9 январь, чоршанба куни футбол бўйича Осиё Кубоги 1-турининг «F» гуруҳидаги иккинчи ўйин якунига етди. Учрашувда Ўзбекистон терма жамоаси Уммон термасига қарши майдонга тушиб, 2:1 ҳисобида ғалаба қозонди.
Ўйиннинг 34-дақиқасида Одил Аҳмедов жарима зарбасидан Уммон дарвозасини ишғол қилди.
2-бўлимнинг 74-дақиқасида Муҳсин ал-Ғассони ҳисобни тенглаштирди. Иккинчи бўлимда Марат Бикмаев ўрнига майдонга тушган Элдор Шомуродов 86-дақиқага келиб,ғалаба голини урди ва Ўзбекистон термаси 2:1 ҳисобида Уммон терма жамоасини мағлубиятга учратди.
Эслатиб ўтамиз, мусобақанинг «F» гуруҳидаги дастлабки беллашувда Япония терма жамоаси Туркманистон термаси устидан қийин ғалабага эришганди.
Осиё Кубоги—2019
9 январь, чоршанба
1-тур баҳси
«F» гуруҳи
Ўзбекистон – Уммон 2:1
Голлар: 1:0 – 34 Аҳмедов, 1:1 –73 Муҳсин , 2:1 – 86 Шомуродов.Ўзбекистон: Игнатий Нестеров, Егор Кримец, Анзур Исмоилов, Олег Зотеев, Акмал Шораҳмедов, Одил Аҳмедов, Отабек Шукуров, Жалолиддин Машарипов (79, Алибоев), Жавоҳир Сиддиқов, Марат Бикмаев (83, Шомуродов), Сардор Рашидов (59, Ҳамдамов).
Уммон: Ал-Рашиди, Ал-Бусайди, Ал-Муҳайни, Ал-Мусалами, Ал-Саади, Ал-Ҳалди, Ал-Maxажири, Ал-Муҳайни, Ал-Ҳажри (67, Ал-Ғассони), Ал-Яҳмади.
Огоҳлантиришлар: Машарипов (29), Нестеров (58).
Четлатиш: Кримец (90+2)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)