Навоий иссиқлик электр станциясида биринчи замонавий буғ-газ қурилмаси ишга туширилди

29 декабрь куни Навоий ИЭСни кенгайтириш ва умумий қуввати 450 мегаваттни ташкил этувчи иккинчи газ-буғ қурилмасини қуриш лойиҳасида БГҚ-2 Газ Турбинасида «биринчи олов олдириш» жараёни ўтказилди, деб хабар қилди Sputnik «Ўзбекэнерго» матбуот-хизматига таяниб.

Қурилма фойдаланишга киритилгандан кейин ҳар йили қўшимча 312,1 млрд кВт-соат электр энергия ишлаб чиқарилади.

450 МВт қувватга эга электренергиясини ишлаб чиқарадиган буғ-газ қурилмасини қурилиш ишларини 2020 йил январь ойида якунлаш режалаштирилган.

Бу объект Марказий-Осиёдаги энг самарали электрстанцияларидан бири бўлиши кутилмоқда.

«Ўзбекэнерго» АЖнинг лойиҳани қуриш буюртмасини Япониянинг Mitsubishi Corporation ва Mitsubishi Hitachi Power Systems компаниялари бажармоқда.

Лойиҳани молиялаштириш Япония халқаро ҳамкорлик агентлиги (JICA), Ўзбекистон реконструкция ва тараққиёт жамғармаси кредит маблағлари ва «Ўзбекэнерго»нинг шахсий маблағлари ҳисобига амалга оширилади.