Газ ва бошқа ёқилги турларида ишловчи қурилма ҳамда аппаратлар мажбурий тартибда сертификатланадиган, Ўзбекистон ҳудудида ишлаб чиқариладиган ва олиб кириладиган маҳсулотлар турлари қаторига киритилган. Бу ҳақда «Ўзстандарт» агентлиги огоҳлантирган.
Хусусан, газда ҳолатида ишловчи қурилмалар (сув иситиш қозонлари, овқат тайёрлаш учун печлар, иситиш тизими қозонлари ва бошқалар) Вазирлар Маҳкамаси томонидан 2017 йил 30- октябрда тасдиқланган «Газ ҳолатидаги ёқилғида ишловчи аппаратларнинг хавфсизлиги тўғрисидаги» тўғрисидаги умумий техник регламентга мувофиқ ишлаб чиқарилиши белгиланган.
Ушбу техник регламент овқат тайёрлаш, иситиш ва иссиқ сув билан таъминлаш учун мўлжалланган газ ҳолатидаги ёқилғида ишловчи қурилмалар ва уларни таркибий компонентларига тааллуқли ҳисобланади.
Техник регламентда газда ҳолатида ишловчи қурилмалар учун қуйидаги ягона хавфсизлик талаблари белгиланган:
Ёнғин ва портлашга қарши хавфсизлик талаблари;
Электр хавфсизлик талаблари;
Механик ва термик хавфсизлик талаблари;
Экологик хавфсизлик талаблари.
Шу билан бирга, техник регламентда ушбу қурилмалар учун хавфсизлик, бошқариш ва ростлаш мосламаларига алоҳида талаблар ўрнатилган бўлиб, ҳар қандай газда ишловчи қурилмалар мажбурий тарзда хавфсизлик мосламаси ҳамда бошқарув ва ростлаш мосламаларига эга бўлиши кўрсатилган. Шунингдек, газда ишловчи қурилмалар, мазкур мосламалар ишдан чиққан ҳолатда ҳам хавфсизлик таъминлаб берилиши шарт, деб кўрсатилган.
Бундан ташқари, ушбу техник регламентда мазкур қурилмалар учун фойдаланишга (эксплуатация) оид ҳужжатлар, тамғалаш ва ўраб жойланишига талаблар ўрнатилган. Техник регламентда белгиланган барча талабларга риоя қилинган тақдирда қурилмалар учун мувофиқлик сертификати берилиши мумкин.
Изоҳ (0)