Ўзбекистон Миллий банки «2020» деб номланган янги стратегиясида кичик ва ўрта бизнеснинг ривожланишини қўллаб-қувватлашга интилиши ҳақида сўзлади. Банк шу тариқа ўз мижозлари базаси ва умуман Ўзбекистон бозорида кичик ва ўрта бизнеснинг улушини оширишни режалаштирмоқда, чунки тадбиркорликнинг айнан шу сегменти барча илғор давлатлар иқтисодиётининг асоси ҳисобланади.
Ўзбекистон Миллий банки республикадаги энг йирик банкдир, бироқ кун сайин ошиб бораётган рақобат шароитида шунчаки йирик бўлиш етарли ҳисобланмайди. Банк, албатта, йирик давлат ва халқаро инвестиция лойиҳаларидан ташқари, кичик ва ўрта бизнес вакиллари каби муҳим ва салмоқли соҳага эътибор қаратади. Банк ўз мижозлари билан муносабатларни мутлақ ўзгача даражага кўтариш ва бозордаги ўрнини янада кучайтириш истаги ҳақида очиқчасига айтиб келади.
Келинг, ўзгаришларга ўтайлик. Миллий банк биринчи навбатда кичик ва ўрта бизнесни «Корпоратив мижозлар» бўлимидан мустақил ва анча катта кўламли мижозлар портфелига чиқармоқчи. Бу ушбу сегментнинг муаммоларини чуқурроқ кўриб чиқиш ҳамда кичик ва ўрта бизнесни ривожлантириш учун энг мақбул чора-тадбирлар режасини ишлаб чиқиш, бу сегмент учун барча жараёнлар ва маҳсулотларни стандартлаштиришга имкон беради.
Миллий банк узоқни кўзловчи режалар тузади. Банкнинг мақсади кичик хусусий тадбиркордан тортиб ўрта ва йирик компанияларгача бўлган барча мижозларга ўсиш ва ривожланишда ёрдам беришдан иборат. Банк шу тариқа мижозлар базасини кенгайтиришни ва нафақат хизмат кўрсатувчи ташкилот, балки мижозларнинг тадбиркорлик фаолиятини ривожлантиришда маслаҳатчи сифатида ушбу сегмент вакиллари орасида содиқликни оширишни режалаштирмоқда.
Банкнинг янги стратегиясидаги асосий бандлардан бири кредитлар беришга ёндашувнинг ўзгариши бўлди. Бунда эътибор нафақат гаровга қўйиш тамойилига, балки ҳар бир қарз олувчининг реал пул оқимлари таҳлилини татбиқ қилишга қаратилади. Бу эса кредитни қайтариш ва у бўйича фоизлар тўлаш учун пул маблағларининг етарличалигини аниқлашга имкон беради. Шу тариқа, банк кредит қайтарилмаслиги хатарини чамалай олади, кредит олувчи эса ўз зиммасига кучи етмайдиган кредитни олиб, қарздор бўлиб қолмайди. Кичик ва ўрта бизнесни кредитлашдаги янги ёндашув халқаро стандартларни татбиқ қилишга асосланади. Бу мақсадни амалга ошириш мақсадида Миллий банк ва Европа тикланиш ва тараққиёт банки ўртасида кичик ва ўрта бизнес субъектларини Европа банки методикасига кўра кредитлаш технологиясини жорий қилиш бўйича маслаҳат хизматларини кўрсатиш юзасидан келишув имзоланди.
Сўзларимиз якунида шуни айтишни истардикки, Ўзбекистон Миллий банки ўз мижозлари ва бутун мамлакат билан янада ривожланишга интилади. Кичик ва ўрта бизнес унинг бу интилишидаги устувор йўналиш ҳисобланади. Миллий банкнинг тараққий қилиши ва бу келажакда қандай ўзгаришларга олиб келиши ортидан кузатиш қизиқ бўлади.
Реклама ҳуқуқи асосида.
Изоҳ (0)