O‘zbekiston Milliy banki “2020” deb nomlangan yangi strategiyasida kichik va o‘rta biznesning rivojlanishini qo‘llab-quvvatlashga intilishi haqida so‘zladi. Bank shu tariqa o‘z mijozlari bazasi va umuman O‘zbekiston bozorida kichik va o‘rta biznesning ulushini oshirishni rejalashtirmoqda, chunki tadbirkorlikning aynan shu segmenti barcha ilg‘or davlatlar iqtisodiyotining asosi hisoblanadi.
O‘zbekiston Milliy banki respublikadagi eng yirik bankdir, biroq kun sayin oshib borayotgan raqobat sharoitida shunchaki yirik bo‘lish yetarli hisoblanmaydi. Bank, albatta, yirik davlat va xalqaro investitsiya loyihalaridan tashqari, kichik va o‘rta biznes vakillari kabi muhim va salmoqli sohaga e’tibor qaratadi. Bank o‘z mijozlari bilan munosabatlarni mutlaq o‘zgacha darajaga ko‘tarish va bozordagi o‘rnini yanada kuchaytirish istagi haqida ochiqchasiga aytib keladi.
Keling, o‘zgarishlarga o‘taylik. Milliy bank birinchi navbatda kichik va o‘rta biznesni “Korporativ mijozlar” bo‘limidan mustaqil va ancha katta ko‘lamli mijozlar portfeliga chiqarmoqchi. Bu ushbu segmentning muammolarini chuqurroq ko‘rib chiqish hamda kichik va o‘rta biznesni rivojlantirish uchun eng maqbul chora-tadbirlar rejasini ishlab chiqish, bu segment uchun barcha jarayonlar va mahsulotlarni standartlashtirishga imkon beradi.
Milliy bank uzoqni ko‘zlovchi rejalar tuzadi. Bankning maqsadi kichik xususiy tadbirkordan tortib o‘rta va yirik kompaniyalargacha bo‘lgan barcha mijozlarga o‘sish va rivojlanishda yordam berishdan iborat. Bank shu tariqa mijozlar bazasini kengaytirishni va nafaqat xizmat ko‘rsatuvchi tashkilot, balki mijozlarning tadbirkorlik faoliyatini rivojlantirishda maslahatchi sifatida ushbu segment vakillari orasida sodiqlikni oshirishni rejalashtirmoqda.
Bankning yangi strategiyasidagi asosiy bandlardan biri kreditlar berishga yondashuvning o‘zgarishi bo‘ldi. Bunda e’tibor nafaqat garovga qo‘yish tamoyiliga, balki har bir qarz oluvchining real pul oqimlari tahlilini tatbiq qilishga qaratiladi. Bu esa kreditni qaytarish va u bo‘yicha foizlar to‘lash uchun pul mablag‘larining yetarlichaligini aniqlashga imkon beradi. Shu tariqa, bank kredit qaytarilmasligi xatarini chamalay oladi, kredit oluvchi esa o‘z zimmasiga kuchi yetmaydigan kreditni olib, qarzdor bo‘lib qolmaydi. Kichik va o‘rta biznesni kreditlashdagi yangi yondashuv xalqaro standartlarni tatbiq qilishga asoslanadi. Bu maqsadni amalga oshirish maqsadida Milliy bank va Yevropa tiklanish va taraqqiyot banki o‘rtasida kichik va o‘rta biznes subyektlarini Yevropa banki metodikasiga ko‘ra kreditlash texnologiyasini joriy qilish bo‘yicha maslahat xizmatlarini ko‘rsatish yuzasidan kelishuv imzolandi.
So‘zlarimiz yakunida shuni aytishni istardikki, O‘zbekiston Milliy banki o‘z mijozlari va butun mamlakat bilan yanada rivojlanishga intiladi. Kichik va o‘rta biznes uning bu intilishidagi ustuvor yo‘nalish hisoblanadi. Milliy bankning taraqqiy qilishi va bu kelajakda qanday o‘zgarishlarga olib kelishi ortidan kuzatish qiziq bo‘ladi.
Reklama huquqi asosida.
Izoh (0)