Бугун,

  • USD 11014.01
  • RUB 191.8
  • EUR 10674.78

«Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида»ги Президент қарорига мувофиқ профилактика инспекторларининг ёрдамчиларига тегишли тавсияга асосан ички ишлар органларининг олий таълим муассасалари, жумладан, касбий тайёргарлик факультетига квота асосида ўқишга кириш ҳуқуқи берилади. Бу ҳақда «Ҳуқуқий ахборот» канали хабар берди.

Фото: Тошкент шаҳар ИИББ

Фото: Тошкент шаҳар ИИББ

Шунингдек, ҳар бир маҳаллада «Фидокор ёшлар» жамоатчилик патруль гуруҳлари шакллантирилади.

Ҳужжатга мувофиқ, барча даражадаги ҳудудий ички ишлар органларининг раҳбар ходимлари ҳамда профилактика (катта) инспекторларини қайта тайёрлаш ва уларнинг малакасини ошириш фақат Ички ишлар вазирлигининг Малака ошириш институти филиалларида (аудиторияларида) узлуксиз асосда амалга оширилади.

Шунингдек, Ички ишлар вазирлигининг академик лицейларида ходимларнинг малакасини ошириш бўйича директор ўринбосари лавозими жорий этилади.

Қарор билан профилактика (катта) инспекторлари учун ҳар йили Ички ишлар вазирлиги Академиясида сиртқи таълим олишга қабул қилинадиган ходимлар (ҳарбий хизматчилар) умумий сонининг 15 фоизи миқдорида қабул квотаси ажратилади.

Изоҳ
Асосий янгиликлар