Тошкент вилоятида фаолият юритувчи бир гуруҳ имом-хатиблар Ислом цивилизацияси марказининг қурилиш жараёни, марказда келгусида яратиладиган шароит ва фаолият йўналишлари билан танишди. Бу ҳақда ЎзА хабар берди.
Тошкент вилояти ҳокимлиги томонидан Вазирлар Маҳкамаси ҳузуридаги Дин ишлари бўйича қўмита ва Ўзбекистон Мусулмонлари идораси билан ҳамкорликда вилоятдаги имом-хатиблар ва отинойиларнинг малакасини ошириш мақсадида ўқув семинарлари ташкил этилган.
Навбатдаги ўқув машғулотида вилоятнинг Янгийўл шаҳри, Зангиота, Тошкент ва Янгийўл тумани имом-хатиблари учун Ўзбекистон халқаро ислом академиясида, мазкур туман ва шаҳар отинойилари учун Тошкент ислом институтида ўқув машғулотлари ўтказилди.
Жорий йилнинг 14 ноябридан буён ўтказиб келинаётган ҳафталик ўқув машғулотларига вилоятдаги барча имом-хатиб ва отинойилар жалб этилган. Ўқиш баробарида қатнашчилар пойтахтдаги етук илм-маърифат масканлари, хусусан, Алишер Навоий номидаги Ўзбекистон Миллий кутубхонаси, Президент ҳузуридаги Давлат бошқаруви академияси, Ўзбекистон давлат консерваторияси ва Ислом цивилизацияси маркази фаолияти билан танишмоқда.
Изоҳ (0)