Қонунчилик палатаси ялпи мажлисида депутатлар маҳкумларнинг ҳуқуқларини кенгайтириш ва шароитларини яхшилаш масаласига оид қонун лойиҳасини кўриб чиқиб, маъқуллади. Бу ҳақда Қонунчилик палатаси депутати Расул Кушербаев маълум қилди.
Жумладан, «Ўзбекистон Республикаси Жиноят-ижроия қодексига ўзгартиш ва қўшимчалар киритиш тўғрисида»ги қонуни лойиҳаси кўриб чиқилиб, унга кўра кодекснинг 9-моддасига қўшимчалар киритилди.
Жумладан, маҳкумлар «об-ҳаво шароити йўл қўйса, иш вақтидан бўш пайтларида тоза ҳавода жисмоний машғулотлар билан шуғулланиш, жазони ўташ муассасаси психологик хизмати ходимлари томонидан кўрсатиладиган психологик ёрдам олиш ҳуқуқига эга бўлди.
Шу билан бирга маҳкумлар психологик ёрдам кўрсатиш билан боғлиқ тадбирларда фақат уларнинг розилиги билан иштирок этади, меҳнат қонунчилигига мувофиқ хавфсиз меҳнат шароити, дам олиш, таътил, шунингдек, меҳнатга ҳақ тўланиши бўйича қўшимча ҳуқуқлари белгиланди.
Изоҳ (0)