«Коинот гўзали — 2018» танловининг сьерра-леонелик иштирокчиси Эстер Бангура пировардида Таиландга етиб келди. Бу ҳақдаги хабар унинг Instagram саҳифасига жойланди.
«‘Сьерра-Леоне гўзали’нинг барча мухлисларига салом, қўллаб-қувватлаганингиз ва хавотир олганингиз учун раҳмат. Ҳаммаси жойида, у, ниҳоят, Таиландга келди, аммо энг нуфузли гўзаллик танловининг иштирокчиси эмас, томошабини сифатида», — дейилади постда. Бу қизнинг танлов учун рўйхатдан ўтишга улгурмагани билан боғлиқлиги тахмин этилмоқда.
9 декабрь куни аввалроқ Бангура танловга барча иштирокчилар каби самолётда эмас, кемада жўнаб кетгани, аммо етиб келмагани хабар берилган эди. Бир неча кун давомида қиздан ҳеч қандай хабар бўлмаган.
Мусобақа финали Таиланд пойтахти Бангкокда 17 декабрь куни бўлиб ўтади.
Изоҳ (0)