Ўзбекистонда 2019 йил 1 августдан бошлаб импорт қилинадиган ва маҳаллий товарларни мажбурий маркировкалаш босқичма-босқич жорий этилади. Маркировкалаш учун товарнинг тоифасига қараб, ҳимоя белгиси ёки нано-молекуляр технология қўлланилади. Бу ҳақда ЎзА хабар берди.
Вино, пиво, бензин, дизел ёқилғиси, дори воситалари, ўғит, атир, соч ювиш воситалари, косметика воситалари, совун ва бошқа кўплаб товарлар маркировкаланиши мажбурий бўлган товарлар рўйхатига киритилди. Ушбу маҳсулотларни 2019 йил 1 августдан кейин маркировкасиз сотиш тақиқланади. Рўйхатга кейинчалик киритиладиган товарларга келсак, уларни маркировкалаш учун 180 кун муҳлат берилади.
Маркировкалаш билан хизматни етказиб берувчи шуғулланади. Уни Ўзбекистон Президенти ҳузуридаги Лойиҳа бошқаруви миллий агентлиги 2019 йил 1 февралгача танлайди. Шартнома муддати давомида кўрсатиладиган хизмат нархини қайд этган ҳолда, у билан беш йилдан ўн йилгача бўлган муддатда шартнома тузилади.
Маркировка тартиби, нархи ва бошқа маълумотлар 2019 йилнинг 1 январида белгиланади.
Изоҳ (0)