Ўзбекистон матбуот ва ахборот агентлигининг ижтимоий тармоқларда расмий саҳифалари очилди. Бу ҳақда агентлик раҳбари вазифасини бажарувчи Комилжон Алламжонов маълум қилди.
Алламжоновга кўра, кўпчилик агентлик фаолиятини фақатгина оммавий ахборот воситаларига лицензия бериш ва уларнинг фаолиятини мувофиқлаштиришдангина иборат деб деб тушунади. Аслида агентлик оммавий ахборот воситалари, ахборот алмашуви, матбуот, нашриёт, полиграфия ва ахборот-кутубхона фаолияти соҳасидаги ягона давлат сиёсатини амалга оширувчи давлат бошқарув органи ҳисобланади.
«Замонавий шароитда матбуот ходимлари олдида кенг кўламли вазифалар белгиланганки, уларга соҳада жиддий ислоҳотларсиз амалга ошириш имконсиз. Агентлик саҳифасида кутубхона, нашриёт, типография ва ОАВ фаолиятига оид масалалар ёритилади. Шунингдек, ушбу саҳифа соҳадаги муаммоларни муҳокама қилиш майдони бўлиб, агентликнинг самарали ишлаши учун фикр алмашиш ва таклифлар учун очиқ», дея таъкидлаган Алламжонов.
Маълумот учун, агентликнинг Facebook ва Instagram’да саҳифалари очилди.
Изоҳ (0)