G20 саммитида Россия ва АҚШ президенти Владимир Путин ва Дональд Трамп ўртасида «норасмий мулоқот» бўлиб ўтди. Бу ҳақда «Ведомости» хабар берди.
«Кўп томонлама тадбирларда одатда бўлгани каби Трамп ва АҚШ биринчи хоними дунё раҳбарлари, хусусан Путин билан норасмий учрашув ўтказди», — дея маълумот берди Оқ уй.Ушбу хабар Россия президентининг матбуот котиби томонидан Путин ва Трамп ўртасидаги «қисқа мулоқот» бўлиб ўтди, деган хабардан сўнг чиқди. Мулоқот тафсилотлари очиқланмади. Путиннинг ёрдамчиси Юрий Ушаковнинг маълум қилишича, Америка томонининг ташаббуси билан АҚШ маъмурияти Кремль билан алоқага чиқиб миллий хавфсизлик масаласи бўйича «алоқаларни давом эттириш»ни таклиф қилган.1 декабрь куни саммитда икки президент ўртасида музокаралар ўтиши керак эди, аммо Трамп уни бекор қилди. Ушбу қарорни у Керч бўғозида бўлиб ўтган можародан кейин Россия Украинага денгизчи ва кемаларни қайтармаганлиги билан тушунтирди.30 ноябрь куни G20 мамлакатлари раҳбарларининг суратга тушиш маросимида Путин ва Трамп саломлашмади. Ҳудди шу куни Кремль улар сўрашгани, аммо мулоқот қилиш имкони бўлмагани ҳақида хабар берди.
Изоҳ (0)