26 ноябрь, душанба куни футбол бўйича Ўзбекистон Pepsi Суперлигасининг 31-тури доирасида сўнгги беллашув бўлиб ўтади.
Унда чемпионлик учун курашаётган «Локомотив» клуби ўз майдонида «Пахтакор»ни қабул қилади. Ўйин Тошкент вақти билан 18:00 да бошланади. Чемпионат тугашига бир тур қолганда (бугунги ўйиндан ташқари) «Пахтакор» «Локомотив»дан 6 очко ортда қолмоқда. Амалий жиҳатдан қаралса, «Локомотив» чемпионликка деярли яқин келиб қолган. Хўш, унда қандай ҳолатда «Пахтакор» чемпион бўлиши мумкин? Регламентга кўра, биринчи навбатда томонларнинг ўзаро ўйинига эътибор қаратилади. Биринчи босқичда улар ўзаро икки марта дуранг қайд этган:
29 апрель
«Локомотив» — «Пахтакор» 0:0
1 август
«Пахтакор» — «Локомотив» 1:1
Мана шу ҳолатда устунлик «Локомотив» томонида, чунки «темирйўлчилар» сафарда тўп киритган. Агар ўзаро ўйинларда тенглик бўлса, сафарда кўпроқ гол урган жамоага устунлик берилади деб ёзиб қўйилган.
Бироқ Суперлига форматига кўра, мазкур жамоа иккинчи босқичда яна икки марта тўқнаш келиши керак (бугунги ўйин иккинчиси бўлади).
20 октябрь
«Пахтакор» — «Локомотив» 1:3
Мана шу ҳолатда «Пахтакор» ўзаро ўйинлардаги устунликни ўз томонига оғдириб олиши учун бугун 3 та гол фарқи билан зафар қучса етарли. Бироқ бу ҳали чемпионлик дегани эмас. Чунки турнир жадвалида «Локо» 6 очкога илгарилаб кетган. «Пахтакор» сўнгги турда «Бунёдкор»ни енгиши ва «Локомотив» Наманганда мағлуб бўлиши ҳам керак. Агарда бугун «Пахтакор» 1 та гол фарқи билан ютса, кубок шу оқшомдаёқ «Локомотив»га топширилади. «Пахтакор» 2:0 ҳисобида зафар қучса ҳам етарли эмас. «Пахтакор» 3:1 ҳисобида ҳам зафар қучиб чемпион бўла олмайди. Чунки юқоридаги икки ўзаро дурангда барибир «Локомотив» сафарда кўпроқ гол ургани кўринади.
«Пахтакор» 4:2, 5:3, 6:4 (шу кетма-кетликда) ҳисобида устун келсагина, устунликни ўз томонига оғдиради. Чунки энди «шерлар» сафарда кўпроқ гол урган бўлиб чиқади.
Pepsi Суперлига
31-тур беллашувлари
23 ноябрь, жума
«Қизилқум»—«Нефтчи» 1:1
Голлар: 0:1 — 68 Андрей Сидоров, 1:1 — 70 Алишер Санаев.24 ноябрь, шанба
«Бунёдкор»—«Металлург» 1:0
Гол: 1:0 — 50, пенальти Азиз Ҳайдаров.25 ноябрь, якшанба
«Қўқон-1912»—«Сўғдиёна» 0:0
«Насаф»—ОКМК 2:2
Голлар: 1:0 — 19 Бобир Абдуҳолиқов, 2:0 — 30 Ислом Кенжабоев, 2:1 — 59 Шоҳназар Норбеков, 2:2 — 78 Владислав Касминин.«Бухоро»—«Навбаҳор» 1:2
Голлар: 0:1 — 37 Аъзам Алиев, 1:1 — 45 Саламат Қутибоев, 1:2 — 64 Шерзод Каримов.26 ноябрь, душанба
Изоҳ (0)