Мазкур тадбирдан кўзланган асосий мақсад, светофор ўрнатилган чорраҳаларда, пиёдалар ўтиш йўлларида фуқаролар хавфсизлигини таъминлаш ҳамда йўл-транспорт ҳодисаларини олдини олиш, қолаверса, ҳайдовчилар томонидан светофор, шунингдек ЙПХ инспекторининг ишора қоидаларига риоя этилишини таъминлаш иборат, дея хабар берди Тошкент вилояти ИИБ матбуот хизмати.
Ўтказилган «Қизил чироқ!» тадбирида ЙПХ инспекторлари томонидан МЖтКнинг 1284-моддаси яъни, «Транспорт воситалари ҳайдовчиларининг светофорнинг тақиқловчи сигналига ёки йўл ҳаракатини тартибга солувчининг тақиқловчи ишорасига бўйсунмасдан ўтиш» маъмурий ҳуқуқбузарлигига йўл қўйган жами 152 нафар ҳайдовчилар аниқланиб, уларга нисбатан маъмурий баённомалар расмийлаштирилди.
Шунингдек, 34 нафар ҳайдовчиларга нисбатан расмийлаштирилган маъмурий баённомалар Қорақалпоғистон Республикаси, Тошкент шаҳри ва қўшни вилоятларга кўриб чиқиш учун жўнатилди.
Тошкент вилоятида рўйхатда турувчи 118 нафар ҳайдовчиларга нисбатан маъмурий баённомалар расмийлаштирилиб, жами 48 миллион 452 минг 470 сўм миқдорда жарима белгиланди ва ундириш чоралари кўрилмоқда.
Бундан ташқари, тадбир давомида шоҳбекатлар ва автотураргоҳларда, корхоналар, ташкилотлар ҳамда маҳаллаларда светофор ишорасига бўйсунмаслик оқибатида содир бўлаётган йўл транспорт ҳодисалари ва уларнинг оқибатлари, шунингдек светофор ишораларига бўйсунмаган ҳайдовчиларга қандай маъмурий чоралар кўрилиши ҳақида тушунтириш тарғибот суҳбатлари ташкил этилди.
Изоҳ (0)