24 ноябрь, шанба куни футбол бўйича Англия премьер лигасининг 13-тур баҳслари бошланади.
АПЛда 32 очко билан пешқадам бўлиб турган Хосеп Гвардиола бошчилигдаги «Манчестер Сити» мазкур турда Мануэль Пеллегрини қўл остидаги «Вест Ҳэм» майдонига сафар қилади.
30 очко билан 2-ўринда бораётган Юрген Клопп шогирдлари — «Ливерпуль» эса сафарда 7-ўринни банд этиб турган «Уотфорд» меҳмони бўлади.
Жозе Моуриньо қўл остидаги «Манчестер Юнайтед» «Олд Траффорд»да «Кристал Пэлас»ни меҳмон қилади.
Турнинг марказий ўйини эса Лондонда кечади. Унда «Тоттенҳэм» ўз майдонида «Челси» билан баҳс олиб боради. Қайд этиш жоиз, «Челси» «Тоттенҳэм»дан 1 очко кўпроқ жамғариб 28 очко билан 3-поғонада бормоқда. «Тоттенҳэм» эса 27 очко билан 4-ўринни банд этиб турибди.
Лондоннинг «Арсенал» жамоаси эса ўз учрашувини 25 ноябрь, якшанба куни «Борнмут»га қарши сафарда ўтказади.
Мусобақа жадвалидаги 13-турдан олдинги ҳолат
Англия премьер лигаси
13-тур баҳслари
24 ноябрь, шанба
Изоҳ (0)