«Ўзбектелеком» компанияси 15 кун ичида Ўзбекистонда интернет тезлиги 10 баробарга ошиши ҳақидаги маълумотларга расман изоҳ берди.
Компанияга кўра, йилнинг ўтган 10 ойи мобайнида «Ўзбектелеком»да зарур такомиллашиш ишлари тизимли таҳлил қилинди, керакли ускуналар сотиб олинди, дастурлар ишлаб чиқилди ва ташқи канал имкониятларини кенгайтириш, провайдерлар, операторлар ва охирги фойдаланувчилар учун интернет тармоғига чиқиш тезлигини ошириш бўйича кенг кўламли ишлар амалга оширилди.
Жорий йил бошида Ўзбекистон ташқи интернет-каналларига уланиш фақат икки халқаро боғлама орқали амалга ошириларди. 2018 йил бошида боғламалар ўз маҳсулдорлигининг чегарасида фаолият кўрсатиб, деярли ишламай қолишни бошлаганди. Шу муносабат билан бугунги кунда компаниянинг техник хизматлари босқичма-босқич модернизация ишларини ўтказмоқда. Бунинг натижасида «Ўзбектелеком» шу йилнинг охирига қадар компаниядан канал сотиб олган операторлар ва провайдерлар истеъмоли учун зарур бўлган тезликни таъминлай олади.
Провайдерлар ва операторларнинг барча аризалари чекловларсиз ва тўла ҳажмда қондирилади.
Изоҳ (0)