АҚШда People’s Choice Awards анъанавий мукофотларни топшириш маросими бўлиб ўтди, деб ёзади «Корреспондент.net». Унда томошабинлар берган овозлар асосида энг яхши фильмлар, телешоулар ва артистлар аниқланди.
«Қасоскорлар: Абадият уруши» энг яхши фильм деб топилди. Энг яхши актриса — Скарлетт Йоханссон («Қасоскорлар: Абадият уруши»), энг яхши актёр — Чедвик Боузман («Қора Пантера») бўлди.
Йил экшени ҳам «Қасоскорлар: Абадият уруши» фильми бўлди. «Қора Пантера» фильмида роль ижро этган Данай Жекесай Гурира йилнинг экшен актёри деб тан олинди.
Йилнинг драматик фильми — «Озодликнинг 50 ранги», комедияли фильми — «Мени ташлаб кетган жосус» бўлди.
Мелисса Маккарти «Компания юраги» фильмидаги роли учун йилнинг комедияли фильми юлдузи деб эътироф этилди.
Йил оилавий фильми — «Супер оила 2», йил комедияли сериали — «Тўқ сариқ — янги қора», йил сериали — «Қоронғисевар овчи» бўлди.
Шунингдек, Ники Минаж йилнинг аёл қўшиқчиси, Шон Мендес — йилнинг эркак қўшиқчиси деб топилди.
Йилнинг фэшн-шахси — Виктория Бекхэм, йил реалити-шоуси — «Кардашьянлар оиласи» бўлди.
Изоҳ (0)