Нидерландияда фаолият олиб бораётган Нукус музейининг Дўстлар жамғармаси (Friends оф Нуcус Мусеум, ФоНМ) 2018 йилнинг якунига келиб тарқатиб юборилади. Жамғарма I.В.Савиский номидаги Давлат санъат музейига 2001 йилдан бери кўмак бериб келаётган эди. Бу ҳақда Жамғарма раиси Дэвид Пирс маълумот берди, деб ёзади Turon 24.
Дэвид Пирснинг айтишича, жамғарманинг тарқатиб юборилишига асосий сабаб, охирги уч йилда музейга тақдим қилинган хайрия совғалари, китоб ҳамда аудио жиҳозларнинг йўқолишидир. «Бизга маълум бўлишича, улар ўғирланган ёки мусодара этилган», — деб баёнот берган жамғарма раиси.
Музей раҳбарияти Дэвид Пирснинг баёнотига изоҳ беришдан бош тортган.
2017 йилнинг февраль ойидан музейга Гулбаҳор Изентаева директор этиб тайинланган эди. Музейга 1966 йилда археолог, этнограф ва рассом Игорь Савиский (1915—1984 йилларда) асос солган. У Москвадан Қорақалпоғистонга 1950 йилда Хоразм археологик-этнографик экспедицияси таркибида келган ва тасвирий санъат асарларини тўплаш мақсадида бу ерда қолган.
У ижодкорларнинг 1920-1930 йилларга оид авангард ва поставангард ишларини йиққан. Нукус музейида тўпланган графика ва тасвирий санъатга оид асарлар Рус Давлат музейидан кейин дунё бўйича иккинчи ўринда туради.
Изоҳ (0)