Ўзбекистон ташқи ишлар вазири Абдулазиз Комилов бошчилигидаги делегация 7—8 ноябрь кунлари Германияга ташриф буюради. Бу ҳақда Ўзбекистон ТИВ матбуот хизмати хабар бермоқда.
Хабар беришларича, Германия ташқи ишлар федерал вазири Хайко Маас ва бошқа расмий шахслар билан учрашувлар чоғида бўлажак олий даражадаги Ўзбекистон—Германия учрашувига тайёргарликнинг бориши муҳокама қилинади.
Шунингдек, икки томонлама ҳамкорликнинг истиқболлари, долзарб халқаро ва минтақавий масалалар муҳокамаси ҳам кўзда тутилган.
«Ташриф доирасида вазирликлараро сиёсий маслаҳатлашувларнинг навбатдаги раундини ўтказиш режалаштирилмоқда», — дейилади ТИВ ахборотида.
Эслатиб ўтамиз, 2019 йил январида Ўзбекистон Президенти Шавкат Мирзиёев Германияга сафар қилиши кутилмоқда.
Изоҳ (0)