Ўзбекистонда илк бор Инновацион ривожланиш вазирлиги, Инновацион ишланмаларни жорий этиш илмий-амалий маркази ва Ёшлар иттифоқи томонидан InnoWeek ҳафталиги доирасида Халқаро робототехника мусобақаси (International Роботиcс Чалленге) бўлиб ўтди. Бу ҳақда «Дарё»га вазирлик матбуот хизмати хабар қилди.
Унда 6 мамлакатдан келган 24 та хорижий жамоа ва 40 та маҳаллий жамоа, жами 200 га яқин иштирокчиси ўзаро беллашди.
Мусобақада қатнашиш учун аризалар шу йилнинг 25 сентябридан 10 октябригача онлайн қабул қилинди. 15 кун давомида келиб тушган 200 дан ортиқ онлайн ариза орасидан Қозоғистон, Қирғизистон, Тожикистон, Афғонистон, АҚШ ва Россиядан иштирок этиш истагини билдирган 70 нафар ёш ва мутахассис саралаб олинди. Бундан ташқари, Робокидз робототехника мактаби, Artel техника мактаби, Полито Счоол НТМ, ТИЭ Счоол НТМ ҳамда Турин политехника университетидан 30 га яқин жамоа Ўзбекистон номидан қатнашди.
Халқаро робототехника мусобақасида 9 ёшдан 16 ёшгача ва 16 ёшдан 25 ёшгача бўлган ёш гуруҳлари орасида 6 та тоифа бўйича беллашувлар олиб борилди.
Бутун дунёда машҳур бўлган «Сумо» мусобақаларидан ташқари, иккала ёш гуруҳида маҳаллий конструкторлардан ясаладиган роботлар орасида ҳам беллашувлар олиб борилди. 16 ёшгача бўлган иштирокчилар ИнтТеч корхонаси томонидан ишлаб чиқилган JuniorЭ конструкторларида беллашган бўлса, катта ёшдаги иштирокчилар Автосаноат инновация маркази томонидан ишлаб чиқарилаётган Течнобот конструкторларида ўз маҳоратларини синаб кўрди.
Мусобақада умумжамоа ҳисобида Ўзбекистон жамоаси ғалаба қозонди.
Изоҳ (0)