Москвада Биринчи Президент Ислом Каримов ҳайкали очилди. Тантанали тадбирда Президент Администрацияси, сенаторлар, депутатлар, ҳукумат аъзолари, Ўзбекистон Қаҳрамонлари, чемпион спортчилар, турли жабҳаларда ютуқларга эришган ёшлар, нуронийлар, ёзувчи-шоирлар, илм-фан ва санъат намояндаларидан иборат Ўзбекистон делегацияси қатнашди. Бу ҳақда «Халқ сўзи Online» хабар берди.
Ислом Каримов сиймоси Самарқанддаги Регистон мажмуаси фонида қад ростлаган. Ушбу лойиҳа британиялик таниқли ҳайкалтарош Пол Дей ғоясидир. Ҳайкалда кучли ирода соҳиби, доно давлат арбоби ва халқпарвар сиёсатчи сиймоси гавдаланган.
«Президент Владимир Путин мустақил Ўзбекистон асосчиси, буюк давлат ва сиёсат арбоби Ислом Каримов билан яқин дўстона муносабатда бўлган. Мамлакатларимиз ўртасидаги стратегик шериклик ва иттифоқчилик муносабатларига ҳам ана шу самимий дўстлик негизида асос солинган. Владимир Путин ва Россия халқи Ислом Каримовни Ўзбекистон тараққиёти, халқимиз фаровонлиги йўлида фидокорона меҳнат қилган, энг мураккаб пайтларда тинчлик ва барқарорликни таъминлаган шахс сифатида хотирлайди», — дейилади хабарда.
Мавзуга доир: Москвада Ислом Каримовнинг ҳайкали ўрнатилди
Изоҳ (0)