UFC чемпиони россиялик Ҳабиб Нурмагомедов профессионал боксчи Флойд Мейвезер билан Лас-Вегасда жанг қилишдан бош тортди. Бу ҳақда Ҳабиб Instagram’даги саҳифасида ёзиб қолдирган.
«Фақат Лас-Вегасда эмас. Улар менга яна пулларимни бермайди»,— деб ёзади Нурмагомедов.
14 октябрь куни Ҳабиб Флойдни жанга чорлаб шундай деганди: «Кел, Флойд. Мен сен билан жанг қилишга тайёрман. Сенинг 50 та ғалабанг менинг, 27 та ғалабамга қарши. Ҳеч қачон ютқазмаган икки йигит. Нима учун йўқ?! Бу чакалакзорда фақат битта қирол бўлади, бу эса, албатта, мен! У Макрегорни рингга қулата олмаганди, мен эса буни осонлик билан қила олдим».
Кеча, Флойд ҳам бу чорловга жавоб берди: «CBS, Showtime ва MGM Гранд чек дафтарчаларингизни тайёрланг! Лас-Вегасни яна буюк қиламиз!»,—деб жавоб ёзган Флойд Instagram’даги саҳифасида.
Маълумот учун, 2017 йил августида Мейвезер UFC жангчиси Конор Макгрегор билан бокс қоидалари бўйича жанг қилиб, техник нокаут эвазига ғалаба қозонганди.
Изоҳ (0)