АҚШда фаолият юритган мутахассис Халқ банки бошқарув раисига ўринбосар этиб тайинланди

Фарҳод Саломов Акциядорлик тижорат Халқ банки бошқаруви раисининг ўринбосари этиб тайинланди. Бу ҳақда Адлия вазирлигининг Telegram’даги «Ҳуқуқий ахборот» канали хабар бермоқда.

Фарҳод Саломов 1979 йилда туғилган. У банк соҳасида 12 йиллик тажрибага эга.

У Жаҳон иқтисодиёти ва дипломатия университети ҳамда АҚШдаги Колорадо техника университетини тамомлаган.

Саломов АҚШнинг У.С. банкида директор ўринбосари бўлиб фаолият юритган. У 2012, 2013, 2014 йилларда банк мукофотлари билан тақдирланган. 2009 йилда эса фаолиятига инновацион тажрибаларни татбиқ этгани учун банкнинг олий мукофотига сазовор бўлган.