Тошкентда тўйга машинада боришни истаган ўсмир Spark олиб қочди

Тошкентда 19 яшар Зуҳриддин Н. маст ҳолатда Spark автомобилини ҳайдаб қочди. Бу ҳақда «Podrobno.uz» хабар бермоқда.

Бу ҳақдаги хабар ИИББга 12 октябрь соат 14:40 да келиб тушди. Ҳайдовчи машинасини Юнусобод тумани, Гулғунча кўчасидаги уйида бекитилмаган ҳолатда, калити билан қолдирганини тан олди. Автомобиль икки соат чамаси қаровсиз қолган ва ҳуқуқбузар бундан фойдаланган.

Кузатув камералари ёзуви орқали гумонланувчининг шахси тезда аниқланди. Сўроққа тутилганлардан бири камера объективига тушган шахсда Тошкент вилоятида истиқомат қилувчи Зуҳриддин Н.ни таниб қолди.

Кўп ўтмай олиб қочилган автомобиль Бектемир туманида тўхтатилди. Йигитча таклиф қилинган тўйга машина миниб бормоқчи бўлгани, бунда қаровсиз қолдирилган Spark қўл келганини билдирди.

Зуҳриддин Н.га нисбатан жиноят иши қўзғатилди. Унга йўл қўйган қилмиши учун 5 йилдан 10 йилгача қамоқ жазоси берилиши мумкин.