Италия футбол федерацияси Андреа Пирло ва бир қанча собиқ футболчилар мураббийлик лицензиясини қўлга киритганлигини маълум қилди. Бу ҳақда Football Italia хабар берди.
Эндиликда Андреа Пирло, Альберто Жилардино, Габриэль Батистута, Паоло Каннаваро, Тиаго Мотта, Даниэле Бонера, Хосе Антонио Чамот, Матузалем ва Паоло Монтеро каби собиқ футболчилар мураббийлик лицензиясига эга бўлди. Шу тариқа улар ҳам энди ўз мураббийлик фаолиятларини бошлаши мумкин.
Мазкур лицензия уларга ёшлар ва аёллар жамоаларига бош мураббийлик қилиш ҳуқуқини беради. Шунингдек, Б Серия даражасидаги эркаклар ўртасидаги жамоаларга ҳам бош мураббийлик қилиш имконияти мавжуд. Бундан ташқари улар А ёки Б Серия клубларида мураббий ёрдамчиси бўлиб ҳам ишлашлари мумкин. Бош мураббий бўлиш учун эса улардан яна билимини ошириш талаб этилади.
Изоҳ (0)