Аввалроқ Испаниянинг Мадрид шаҳрида 24—25 сентябрь кунлари Бутунжаҳон футбол саммити бўлиб ўтгани ва ушбу саммитда Ўзбекистон Профессионал футбол лигаси Бош директори Омон Ғофуров бошчилигидаги делегация иштирок этгани ҳақида хабар берилганди.
Саммит доирасида Ўзбекистон делегацияси вакиллари бир қанча Европа футбол жамоатчилиги вакиллари билан учрашувлар ўтказди ва бир қатор лойиҳаларни амалга оширишга келишиб олди.
Футболнинг жозибадорлигини оширишда трансляция сифати жуда катта аҳамиятга эга. Европада бу масалага жиддий эътибор қаратилиб, трансляция борасида катта муваффақиятларга эришилган. Бир қанча футбол лигаларига ушбу йўналишда хизмат кўрсатиб келаётган TELLYO компанияси вакили Якоб Майковски ўз компанияси Ўзбекистонда ҳам футбол учрашувлари трансляциясини янги босқичга олиб чиқишга ҳаракат қилишини, бу борада компаниянинг махсус дастурини Ўзбекистонда синаб кўриш таклифини олға сурди. Яқин келажакда ушбу комания билан ҳамкорликда Ўзбекистонда футбол трансляциясининг сифатини яхшилаш ва янги босқичга олиб чиқиш режалаштирилмоқда.
Аввалроқ ПФЛнинг Германия Бундеслигаси билан ҳамкорлик меморандуми имзолагани, шунингдек, Amazon компанияси билан ҳам келишувга эришилгани ҳақида хабар берилганди.
Изоҳ (0)