Эктор Купер бошчилигидаги Ўзбекистон миллий терма жамоасининг Осиё Кубоги—2019 даги ўйинлари вақти аниқ бўлди

Келаётган 2019 йил январида футбол бўйича навбатдаги Осиё чемпионатига Бирлашган Араб Амирликлари давлати мезбонлик қилади. Бугун, 27 сентябрь санасида Абу-Даби шаҳрида футбол бўйича Осиё Кубоги—2019 мусобақасига бағишланган семинар ўз ишини бошлади. Бу ҳақда ЎФА матбуот хизмати маълум қилди.

Семинардан кўзланган асосий мақсад, Осиё кубогига тайёргарлик жараёнлар муҳокама, қилиниб мусобақа бошлангунга қадар бўлиб ўтадиган тадбирлар кўриб чиқилади. Семинарда ўзбекистон футбол ассоциациясидан Халқаро алоқалар бўлими бошлиғи, Матбуот хизмати бошлиғи, терма жамоа шифокори ҳамда ҳавфсизлик бўйича офицер иштирок этмоқда.

Ушбу семинар 4 кун давом этади. Семинарнинг дастлабки 2 кунида кун тартибидаги масалалар муҳокама қилинса, сўнгги 2 кунида терма жамоалар вакиллари ўз жамоалари ўйинларни ўтказадиган шаҳарларга ташриф буюриб, ўйинлар ўтказиладиган стадионлар, меҳмонхоналар, машғулот майдонларини кўздан кечириб, ташкилотчилар билан барча ташкилий ишлар келишиб олинади. Агар вакиллар томонидан қандайдир камчиликлар аниқланса, бу ҳақида ташкилотчига маълумотлар тақдим этилади.

Семинар давомида ОФК вакиллари терма жамоалар мутасаддиларини чемпионат регламенти билан тўлиқ таништириб, бутун мусобақа давомида амалга киритилиши мумкин бўлган янгилик ва ўзгаришлар ҳақида маълумотлар берилади. Футболдаги хавфсизликни таъминлаш мақсадида қоидалар такомиллаштириб борилади. Мусобақада давомида кўзда тутилмаган вазиятлар юзага келса, қандай ҳаракатларни амалга ошириш юзасидан тавсиялар берилади. Мезбон давлатнинг иқлимини инобатга олиб, шифокорларга ҳам тегишли тавсиялар берилади.

Осиё кубоги—2019 5 январь куни бошланади. Мусобақада илк маротаба 24 та терма жамоа қатнашади. 5 январь куни очилиш учрашувида БАА терма жамоаси Баҳрайннга қарши майдонга тушади. Ўзбекистон терма жамоаси эса турнирни Уммон терма жамоасига қарши бошлайди. Беллашув 9 январь санасида бўлиб ўтиши белгиланган.