Президент Шавкат Мирзиёев келгуси ҳафтада Ҳиндистонга ташриф буюради. Бу ҳақда Ўзбекистоннинг Ҳиндистондаги элчиси Фарҳод Арзиев Siasat Daily нашрига берган интервьюсида маълум қилди, дея хабар беради «Podrobno.uz».
Элчининг айтишича, ташриф якунлари бўйича икки давлат ўртасида сиёсий ва иқтисодий соҳаларда қатор келишувлар имзоланиши кутилмоқда. Хусусан, IT-технологиялар, фармацевтика саноати ва туризм бўйича битимлар шулар жумласидандир.
Шавкат Мирзиёев бош вазир Нарендра Моди ва Ҳиндистон ҳукуматининг бошқа юқори мартабали шахслари билан музокаралар олиб боради.
Давлат раҳбарига ташриф давомида парламент, вазирлик ва муассасалар, етакчи давлат компаниялари ва ишбилармон доиралар вакиллари ҳамроҳлик қилади.
Изоҳ (0)