УЕФА Европа Лигасида ҳафтанинг энг яхши ўйинчиси номи маълум бўлди. 1-турнинг энг яхши ўйинчиси сифатида Леверкузеннинг «Байер» жамоаси ярим ҳимоячиси Кай Хаверц эътироф этилди. Бу ҳақда ташкилот расмий сайтида хабар берилди.
Эндигина 19 ёшни қаршилаган Хаверц сафарда «Лудогорец»га қарши кечган 1-тур баҳсида дублга эришди ва «Байер»нинг 3:2 ҳисобида ғалабага эришишида катта ҳисса қўшди.
Ҳафтанинг энг яхши ўйинчиси бўлишга даъвогарлар сифатида «Арсенал» ҳужумчиси Пьер-Эмерик Обамеянг, «Севилья» ярим ҳимоячиси Эвер Банега ва «Динамо Загреб» футболчиси Изет Хайрович кўрсатилганди.
Маълумот учун, аввалроқ Европа Чемпионлар Лигасида ҳафтанинг энг яхши ўйинчиси сифатида Лионель Месси эътироф этилганди.