«Ўзстандарт» агентлиги ҳамкор ташкилотлар билан биргаликда жаҳон бозорларига кириш имкониятларини топиш ва бу борадаги муаммоларни ечиш мақсадида кўпгина учрашув ва давра суҳбатларини ташкил этиб келмоқда. Бу ҳақда агентлик матбуот хизмати хабар бермоқда.
«Жорий йилнинг 11—13 сентябрь кунлари бўлиб ўтган ‘Мева-сабзавот ва ёнғоқларда барқарор савдони таъминлаш учун сифат кафолати’ мавзусидаги минтақавий семинарда ‘Ўзстандарт’ агентлигининг бир гуруҳ ходимлари иштирок этди. Семинарнинг асосий мақсади Марказий Осиё мамлакатларида устувор қишлоқ хўжалик маҳсулотларини экспорт қилишни рағбатлантириш учун халқаро сифат стандартлари ролини муҳокама қилишга қаратилгани билан аҳамиятлидир», — дейилади хабарда.
Семинарда Марказий Осиё мамлакатларидан давлат идоралари ва бизнес ассоциациялари, мева-сабзавот ва мева-сабзавот маҳсулотлари ишлаб чиқарувчилари ва экспортчилари, шунингдек Бирлашган Миллатлар Ташкилотининг ЭИК, Германия, Швеция, Италия, Нидерландия ва Туркия давлатларининг халқаро экспертлари иштирок этмоқда.
Семинар иштирокчилари боғдорчилик маҳсулотлари ва ёнғоқларни халқаро савдосида асосий тенденциялар, қишлоқ хўжалиги маҳсулотларини сифатли таъминлаш ва барқарор савдода халқаро стандартларнинг ўрни билан танишмоқда.
Энг асосийси, улгуржи ва чакана мижозлар томонидан тақдим этилган мева ва сабзавот маҳсулотларининг сифат талабларига, шунингдек, савдо стандартларига мувофиқ маҳсулотнинг халқаро бозорларга чиқишига ва чакана савдо тармоқларига чиқишига ёрдам беради.
Шунингдек, семинар иши доирасида, халқаро экспертлар томонидан экспорт қилинаётган мева-сабзавот маҳсулотларини халқаро стандартлар билан мувофиқлиги учун сифат назорати ва текшириш усуллари билан таништириш учун назарий ва амалий машғулотлар ҳам ташкил этилади.
Изоҳ (0)