Қозоғистон 2018 йилда олтин захираси бўйича 15-ўринни эгаллаб, Саудия Арабистонини ортда қолдирди, деб ёзади Tengrinews Қозоғистон Миллий банкига таяниб.
2018 йил бошидан буён банк маҳаллий ишлаб чиқарувчилардан қарийб 33 тонна аффинаж қилинган олтин сотиб олган.
«Қозоғистон Миллий банкининг олтин портфели 2018 йил 10 сентябрь ҳолатига кўра, 12,8 миллиард доллар эквивалентидаги 333 тоннанини ташкил қилади», — дейилади банк хабарида.
Таъкидланишича, 2018 йил бошидан буён дунё биржаларида олтин котировкалари салкам 8 фоизга тушиб кетган, аммо олтин нархи ўсиши кутилмоқда. Сўнгги 5 йилда кўплаб ривожланаётган мамлакатларнинг олтин захирасида ўсиш кузатилмоқда. Ушбу даврда Россия, Туркия, Хитой ва Қозоғистон марказий банклари энг фаол олтин сотиб олувчилар бўлган.
Изоҳ (0)