Фарғона шаҳридаги 10-умумий ўрта таълим мактабида 2000 нафар ўқувчи тахсил олади. Бугунгача дарслар асосан синф хоналари бўшашига қараб сменали (навбатли) бўлар эди. Ўқув йилининг бошланишига қадар шаҳардаги бир неча шу каби мактабларда қўшимча синф хоналари бўлган ўқув бинолари қурилди. Уларнинг асосий бинолари эса мукаммал таъмирланди. Бу ҳақда «Дарё» мухбири Муҳаммаджон Обидов маълум қилди.
Йўлдош бино 420 ўқувчига мўлжалланган бўлиб, у фанларга ихтисослашган 12 та синф хоналарига эга. Давлат дастурига кўра уни қуришга 2 миллиард сўм маблағ сарфланди, — дейди 10-мактаб директори Шахноза Содиқова.
Бугун мактабнинг собиқ битирувчилари, ота-оналар, жамоатчилик вакиллари иштирокида 10-мактабнинг янги ўқув биноси тантанали суратда очилди.
— Бу ердаги шароитларни кўриб, ёш бўлсам-у, яна ёшларга сабоқ берсам, — дейди мактабнинг собиқ ўқитувчиси, «Меҳнат шухрати» ордени нишондори Дилбар Сохибова.
Фарғона шаҳридаги 39-мактабнинг янги қурилган биноси ҳам фойдаланишга топширилди.
Изоҳ (0)