Бугун,

  • USD 11014.01
  • RUB 191.8
  • EUR 10674.78

«Ўзбекистон» халқаро анжуманлар саройида давлат мустақиллигининг 27 йиллигига бағишланган байрам тантанаси бўлиб ўтди. Бу ҳақда Президент матбуот хизмати хабар берди.

Фото: Президент матбуот хизмати

Фото: Президент матбуот хизмати

Маросимда Президент Шавкат Мирзиёев иштирок этиб, ватандошларни ушбу қутлуғ сана билан табриклади.

«Сиз азизларни, сизлар орқали бутун халқимизни энг улуғ, энг азиз байрамимиз — Мустақиллик куни билан чин қалбимдан самимий муборакбод этаман. Биз учун янги давр, эркин ва озод ҳаётни бошлаб берган бу қутлуғ санада халқимиз қандай машаққатли ва айни вақтда шарафли йўлни босиб ўтганини яна бир бор чуқур ҳис этамиз», деди давлатимиз раҳбари.

Жорий йилда ҳам мамлакатда улкан ютуқлар қўлга киритилди, халқ ҳаётида беқиёс ўзгаришлар рўй берди. Юқори технологияларга асосланган замонавий завод ва корхоналар ишга туширилди. Қишлоқ хўжалигида ҳосилдорлик ва экспорт ҳажми ошди. Аҳолининг реал умумий даромадлари ўтган йилнинг шу даврига нисбатан 12 фоизга ўсди.

Фото: Президент матбуот хизмати

Фото: Президент матбуот хизмати

«Обод қишлоқ» ва «Обод маҳалла» дастурлари энг чекка ҳудудларига ҳам бунёдкорлик руҳини, адолат нафасини олиб кирди. Кейинги бир ярим йилда янгиланган лойиҳалар асосида қишлоқ аҳолиси учун 38 минг 543 та шинам уй-жой қурилди ва 40 минг оила янги хонадонга кўчиб ўтди.

«Бизнинг бош мақсадимиз — халқимизнинг розилиги. Бу Президент сифатида менинг, барча бўғиндаги раҳбар ва мутасаддилар, депутат ва сенаторлар, бутун давлат идораларининг фаолиятига берилган энг олий ва энг адолатли баҳодир. Агар халқ биздан рози бўлса, Яратган ҳам рози бўлади», деди Шавкат Мирзиёев.

Фото: Президент матбуот хизмати

Фото: Президент матбуот хизмати

Президент эришилган натижалар билан бирга ҳали олдинда кўп вазифалар тургани, иқтисодиёт рақобатбардошлигини ошириш, ёшларни ишга жойлаштириш, ижтимоий адолатни таъминлаш, соғлиқни сақлаш ва таълим соҳаларини ривожлантириш зарурлигини қайд этди. Бу борадаги барча долзарб масалалар халқ билан мулоқот асосида, узоқни кўзлаб амалга оширилишини таъкидлади.

Фото: Президент матбуот хизмати

Фото: Президент матбуот хизмати

«Мана шу улуғ айёмда барча ютуқларимизнинг ижодкори ва бунёдкори бўлган меҳнаткаш, мард ва саховатли, бағрикенг ва олижаноб ҳалқимизга фарзандлик меҳрим билан таъзим қиламан», дея таъкидлади Шавкат Мирзиёев.

Фото: Президент матбуот хизмати

Фото: Президент матбуот хизмати

Байрам тадбири тантанали концерт дастури билан давом этди.

Изоҳ
Асосий янгиликлар