Қозоғистон президенти Нурсултон Назарбоев Ўзбекистон мустақиллиги куни муносабати билан мамлакат раҳбари Шавкат Мирзиёевга табрик йўллади. Бу ҳақда Президент матбуот хизмати хабар берди.
Табрикда Нурсултон Назарбоев ўз ҳамкасбини ва Ўзбекистон халқини Мустақиллик куни муносабати билан ўзи ва Қозоғистон халқи номидан чин қалбдан табриклаган.
Қозоғистон президенти ўз табригида Ўзбекистоннинг мустақиллик йилларида давлатчиликни мустаҳкамлаш, халқ фаровонлигини яхшилаш ва мамлакатнинг халқаро майдондаги имижини ошириш йўлида эришган юқори натижаларини қайд этиб ўтган. Нурсултон Назарбоев Ўзбекистон Шавкат Мирзиёев раҳбарлиги остида ўзининг тараққиёт йўлини давом эттиришини ва буюк мақсадларига етишишини тилаган.
Йил сайин икки мамлакат ўртасидаги умумий маънавий қадриятлар, кўп асрлик анъанавий дўстлик ва мустаҳкам ҳамкорликка асослаган муносабатлар мустаҳкамланиб бораётгани таъкидланган.
Қутловда мамлакатлар ўртасидаги муносабатлар ривожига туртки бўлувчи ҳамкорликдаги фаолият икки давлат тараққиётида гаров бўлишига ишонч билдирилган.
Нурсултон Назарбоев Шавкат Мирзиёевга мустаҳкам соғлик ва туганмас куч-қувват, фаолиятида катта муваффақиятлар, биродар Ўзбекистон халқига эса тинчлик ва фаровонлик тилаган.
Бундан ташқари, Шавкат Мирзиёевни бошқа бир қатор давлат раҳбарлари ҳам табриклаган. Хусусан, Қирғизистон президенти Сооронбой Жээнбеков, Беларусь президенти Александр Лукашенко, Германия президенти Франк-Вальтер Штаенмаер, ҳиндистон президенти Рам Натҳ Ковинд Шавкат Мирзиёевга табрик йўллаган.
Изоҳ (0)