Бугун,

  • USD 11095.31
  • RUB 173.84
  • EUR 10772.44

Ички ишлар вазирлиги томонидан порахўрлик ва таъмагирликка қарши курашиш борасида қатор чора-тадбирларни амалга оширмоқда. Бу ҳақда ИИВ жамоатчилик ва ОАВ билан алоқалар бошқармаси маълум қилди.

Фото: Sputnik

Фото: Sputnik

Жумладан, июль ойида Қорақалпоғистон ИИВ ходими К.Р. раҳбарият номига билдирги билан мурожаат қилиб, унда фуқаро Р.А. қонунга хилоф эканлигини била туриб, жавобгарликдан қутулиш мақсадида ўзига нисбатан тўпланган маъмурий ҳужжатларни рўйхатга олмаслик ва Тико машинасини жарима майдонидан чиқариб бериш эвазига пора таклиф қилаётганлигини маълум қилди. Ўтказилган тезкор тадбир натижасида фуқаро Р.А. ходимга 195 000 сўмни пора тариқасида берган вақтида ашёвий далил билан ушланди.

Фуқаро Б.А. ҳам унга нисбатан тўпланган маъмурий ҳужжатлар юзасидан ўзига қонунга хилоф равишда енгиллик яратиш ва Spark русумли машинасини жарима майдонидан чиқартириб бериш эвазига Қорақалпоғистон ИИВ ходими Д.Л.га 500 000 сўмни пора тариқасида берган вақтида ашёвий далил билан ушланди.

Шунингдек, Хоразм вилоят ИИБ ҳузуридаги Тергов бошқармаси ходими Р.Н. ўзининг иш юритувидаги Жиноят кодексининг 168-моддаси 3-қисми «в» банди билан бўлган жиноят иши бўйича гумон қилинувчи Н.Т. унга жиноий жавобгарликдан қутулиб қолиш эвазига пора таклиф этаётганлигини маълум қилиб ёзган билдиргиси асосида 2018 йилнинг август ойида ўтказилган тезкор тадбир натижасида фуқаро Н.Т. ходимга 400 АҚШ долларини пора тариқасида берган вақтида ашёвий далил билан ушланди.

Мазкур ҳолатлар юзасидан прокуратура органлари томонидан Ўзбекистон Республикаси Жиноят кодексининг 211-моддаси 1-қисми (пора бериш) билан жиноят ишлари қўзғатилиб, тергов ҳаракатлари олиб борилмоқда.

Ички ишлар вазирлиги келгусида ҳам фуқаролар томонидан ходимларга қонунга хилоф эканлигини била туриб, пора таклиф қилинган ҳар бир ҳолатга нисбатан қонунда белгиланган тартибда муросасиз кураш олиб боради.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Дунё
«Сирли одам» — Мурали Лал Жаланнинг Minerva City бўйича интервьюси баҳсларга сабаб бўлмоқда. Лал Жалан аслида ким?
Спорт
Бобур Абдухолиқов Беларусда мавсумнинг энг яхши тўпурари ва энг яхши футболчиси совринига эга чиқди