Ўзбекистонлик профессионал енгилмас боксчи Шоҳжаҳон Эргашев фаолиятидаги 14-жангини 19 август куни Москва шаҳрида ўтказиши ҳақида аввалроқ хабар берилганди.
Эргашев бу сафар угандалик Жума Васвага қарши рингга кўтарилди. Ушбу жангда Шоҳжаҳон ўзининг WBA International камарини ҳимоя қилди. Жангнинг тўртинчи раундида Эргашевнинг кучли зарбаларидан сўнг рефери баҳсни тўхтатишдан ўзга чора топа олмади. Шу тариқа, ўзбекистонлик боксчи нокаут эвазига жангни муддатидан олдин тугатди.
Маълумот учун, Шоҳжаҳон Эргашев профессионал рингда 14 та жанг ўтказган бўлиб, уларнинг барчасида ғалаба қозонган. Жангларнинг 13 тасида эса у рақибларини муддатидан аввал нокаут ва техник нокаут эвазига мағлуб этган.
Васва ҳам профессионал боксда 14 та жанг ўтказиб, уларнинг 10 тасида ғалаба қозонган (4 та нокаут). Учта жангда мағлуб бўлган. Битта тўқнашувда дуранг натижа қайд этилган.
Изоҳ (0)