Ўзбекистон терма жамоаси ФИФА кунларидан унумли фойдаланиш мақсадида бир қатор ўртоқлик учрашувлари ўтказиш бўйича келишувга эришди. Бу ҳақда Ўзбекистон футбол ассоциацияси матбуот хизмати хабар берди.
Жумладан, 6 сентябрь куни пойтахтдаги «Миллий»(собиқ «Бунёдкор») стадионида Ўзбекистон миллий терма жамоаси Сурияга қарши майдонга тушади. Ўйин маҳаллий вақт билан 20:00 да бошланиши белгиланган.
Шунингдек, Эктор Купер шогирдлари 13 октябрь санасида Шимолий Корея термаси билан, 16-октябрда эса Қатарга қарши Тошкентда баҳс олиб боради. Купер мазкур ўйинлар орқали Ўзбекистон терма жамоасининг асосий таркибини шакллантириб боради.
Айни дамда қолган ФИФА кунларида ҳам Ўзбекистон миллий терма жамоаси учун ўртоқлик ўйини ташкил қилиш борасида музокаралар олиб борилмоқда. Жумладан, Эрон футбол федерацияси билан ўтказилаётган музокаралар ижобий якунига етса, 11 сентябрь санасида Эронга қарши учрашув ҳам Тошкентда бўлиб ўтади.
Маълумот учун ой бошида Ўзбекистон терма жамоасига аргентиналик Эктор Купер бош мураббий этиб тайинланганди.
Изоҳ (0)