Тошкентда Қурилиш соҳаси ходимлари кунига бағишланган «Базальт арматура. Инновацион материаллар. Қурилишда тежамкорлик» мавзусида конференция бўлиб ўтди.
Конференцияда Ўзбекистон қурилиш вазирлиги, инновацион ривожланиш вазирлиги, «Қишлоқ қурилиш инвест» инжиниринг компанияси, «Узқурилишматериаллари» АЖ, геология ва минерал ресурслари Давлат қўмитаси, шаҳар ва туман ҳокимиятлари, лойиҳа бошқармалари, етакчи қурилиш компанияларининг вакиллари қатнашдилар.
Тадбир 2017 йилнинг декабрь ойида Жиззахда базальт тола ва арматура ишлаб чиқарадиган Basalt заводини ишга тушурган MEGA INVEST INDUSTRIAL қўшма корхонаси томонидан ташкил этилди.
Бу Ўзбекистонда базальт арматура ишлаб чиқарадиган биринчи завод. 200 киши ишлайдиган заводнинг сатҳи 10 000 кв м иборат. Ишлаб чиқариш қуввати йилига 3 000 тонна базальт толаси ишлаб чиқаришга эга. 2018 йилнинг февраль ойидан бери завод 720 тонна арматура ишлаб чиқарди.
Базальт толасининг 80% арматура ишлаб чиқаришга йўналтирилади, қолган 20% қурилиш учун зарур бўлган бошқа маҳсулотлар барпо этишга сарфланади. Basalt заводига қилинган инвестициялар ҳажми 54 миллион АҚШ долларни ташкил этди.
Basalt заводини ишга тушуришдан илгари бозордаги вазият чуқур таҳлил қилинди, инновацион арматурага хом ашё бўлган базальт конлари ўрганилди.
Ўзбекистонда мавжуд бўлган учта базальт конларидан иккитаси, ҳудудида завод қурилган Жиззах вилоятида жойлашган. «Шаксиз инновацион ҳусусиятларга эга бўлган сифатли базальт арматура чиқаришга айнан шу жавҳари ўзига хос ҳусусиятлари билан тўғри келади», — деди Mega Invest Industrial тижорат масалалари бўйича директори Рамир Ахмедиев.
Конференцияда сўзга чиққан Ахмедиев янги маҳсулот қурилиш бозорида доимо шубҳали туюлади, шу сабаб, Basalt завод ишга туширилган кундан бошлаб мутахассислар ва келажак мижозлар орасида базальт арматура сифатлари ва инновацион хусусиятлари тўғрисида тушунтириш ишларини олиб бораётганини таъкидлаб ўтди.
Конференцияда «Ўзқурилишматериаллари» АЖ эксперти Баходир Кенжаев, Қурилиш вазирлиги эксперти ва Тошкент Архитектура ва қурилиш институти катта ўқитувчисиЖалолиддин Тохиров, «Қишлоқ Қурилиш Инвест» МЧЖ Таъминот бўлими мутахассиси Ботир Рўзибоев, МЧЖ Mega Invest Industrial ҚК тижорат директори Рамир Ахмедиев иштирок этди.
Конференция жараёнида муқобил материаллар ва улардан фойдаланиш, қишлоқ ҳудудида намунавий уйлар қурилишида композит арматурани қўллаш, Basalt заводини ривожланиш истиқболлари ва ушбу корхонанинг инновацион маҳсулотини тадбиқ этилиши мумкин бўлган соҳалар муҳокама қилинди.
Базальт арматураси замонавий қурилишда фаол қўлланилади ва ноёб хусусиятларга эга — пўлат арматурасига нисбатан 4 баробар енгил ва 3 маротаба мустаҳкам. Базальт арматураси нам шиммайди, зангламайди, электр токини ўтказмайди ва иссиқлик ўтказиш қобилияти ниҳоят паст.
«Базальт — шу турдаги материаллар орасида энг экологик хавфсиз, у монтаж қилишда етарли даражада осон ва нархи арзон. Базальт толаси базальт, базанит, габродиабаз каби табиий минералларни ва уларни аралашмаларини эритиш йўли билан олинадиган тўла маънода табиий материал», — деб таъкидлаб ўтди ўз маърузасида «Ўзқурилишматериаллари» АЖ эксперти Баходир Кенжаев.
Базальт арматуранинг афзалликлари:
- Композит арматурали қурилма зангламайди, бетон қоришмаларининг ишқорли муҳитларига бардошли. Толалар тузли ва кислота қоришмаларига барқарор. Техник хусусиятлари узоқ муддатга сақланади.
- Базальт — композит материал магнитга нисбатан инерт, магнит унга таъсир этмайди, хусусиятларини ўзгартирмайди, электр токини ўтказмайди.
- Базальт — композитдан ишланган буюм бутун ишлатиш муддатида ўзининг бошланғич ўлчамларини сақлаб қолади, паст ҳароратлар таъсирида хусусиятларини ўзгартирмайди.
- Пўлат арматурадан фарқли ўлароқ иссиқлик ўтказиш қобилияти паст. Агар деворда базальт материали ишлатилган бўлса, бу фақат қурилмани мустаҳкамлигини оширади. Иссиқлик бинони тарк этмайди, иҳота қилувчи конструкциялар орқали ўтиб кетмайди.
- Бизнинг арматурани монтаж жараёнида сизга профессионал пайвандловчи ва катта миқдорда электр қувватини сарф этадиган пайвандлаш аппарати керак бўлмайди.
- Базальт толасидан ишланган арматуранинг мустаҳкамлиги ва эгилувчанлиги туфайли уни ўрама қилиб кичкина автомобилларда ташиш мумкин ва бу сизга катта юк машиналарни арендасида тежамкорлик қилишга имкон беради.
2018 йилнинг биринчи ярмида қурилиш соҳаси барча таҳлил қилинган иқтисодий фаолият юритувчилар орасида Ўзбекистоннинг ЯИM ўсиш суръатини энг юқори кўрсатгичини — 9,7% намоён қилди. Асосий воситаларга қилинган инвестициялар ўсиш суръатлари 129,4% ташкил этди. Ушбу инвестициялар таркибида 60,9% қурилиш-монтаж ишлари ташкил этади.Асосий воситаларга йўналтирилган инвестицияларнинг асосий қисми – 10 триллион 656,6 миллион сўм, янги қурилишга йўналтирилган, бу инвестициялар умумий сонининг 63,3% ташкил этади.
Ҳамкорлик ўрнатиш ва базальт арматурани харид қилиш ва учун ООО MEGA INVEST INDUSTRIAL савдо офисларига мурожаат қилинг.
Савдо офиси: Чилонзор тумани, Бунёдкор Шоҳ кўчаси, 27.
Телефон рақами:
+99899 8635770,
+99899 8625770;
E-mail: sales@basalt.uz
Реклама ҳуқуқи асосида
Изоҳ (0)