Грециядаги ёнғинлар оқибатида ҳалок бўлганлар сони 94 кишига етди. «РИА Новости» хабарига кўра, шифохонада 57 ёшли вафот куйиш тан жароҳатлари оқибатида вафот этган.
«Шарқий Аттикадаги ёнғинлар қурбонлари сони ҳозирги вақтда 94 кишини ташкил этмоқда», — дейилади Греция ёнғин хавфсизлиги хизмати ахборотида.
Хизмат маълумотларига кўра, ёнғиндан жабр кўрган 11 киши шифохоналарда вафот этган. 82 қурбоннинг шахси аниқланган, бундан ташқари бирор қариндоши сўраб келмаган, шахси номаълум икки жасад ҳам бор.
Грецияда, унинг асосан Аттика минтақасида 23 июль куни бир неча йирик ёнғин бошланган эди. Ҳаво ҳарорати +40 даражагача кўтарилган бир шароитда шамол тез эсиши ҳам вазиятни оғирлаштирди, оқибатда ўт ўчирувчилар оловни жиловлай олмай қолди.
Вазият назоратдан чиқиб кетди: Аттика шарқида ўнлаб одамлар ҳалок бўлди, камида 190 киши турли даражада тан жароҳати олди.
Изоҳ (0)