Ўзбекистон Ахборот технологиялари ва коммуникацияларини ривожлантириш вазирлигида ATLAS International AG ҳамда Jenoptik Robot GmbH компаниялари вакиллари билан учрашув бўлиб ўтди, дея хабар бермоқда вазирлик.
Учрашувда Ўзбекистонда йўл ҳаракати хавфсизлигини таъминлашга хизмат қилувчи замонавий тизимларни жорий қилишга йўналтирилувчи инвестицион лойиҳани амалга ошириш муҳокама қилинган.
Жумладан, ATLAS International AG компанияси вакили Артур Конрад Ўзбекистон томонини халқаро стандартлар асосида йўл ҳаракати қоидаларини автоматик қайд этувчи фото- ҳамда видеофиксация тизимларини ишлаб чиқариш ва татбиқ этиш бўйича маълумот берган.
Хусусан, компаниялар «Хавфсиз шаҳар» дастурий комплекси доирасида ишлаб чиқариш кўзда тутилган йўл ҳаракати хавфсизлигини таъминлашга хизмат қилувчи ахборот тизимларини яратишга сармоя киритишга розилигини маълум қилган.
Изоҳ (0)