Apple компаниясининг бозор капитализацияси расман 1 триллион долларгача ўсди, деб ёзади Afisha Daily. 2 август кунги савдоларда компания акциялари 207,05 доллардан сотилган.
Акциялар мониторинги сервислари аввалроқ Apple 1 триллион долларгача қимматлашиши ҳақида хабар берган эди, аммо бу хато бўлиб чиқди.
Акциялар қимматлашуви Apple томонидан чораклик ҳисоботнинг эълон қилиниши билан боғлиқ. Унинг натижалари кўпчилик таҳлилчилар кутган кўрсаткичлардан ошиб тушди. Apple ҳисоб-китобларига кўра, компаниянинг ушбу чоракдаги даромади 60—62 миллиард долларни ташкил қилади, бу 2017 йилнинг шу даврига нисбатан 14—18 фоизга кўпроқ демакдир. Apple даромадининг катта қисми iPhone савдосига тўғри келади, иккинчи ўринда — AppStore’даги харидлар, iCloud ва Apple Music’даги обуналар.
Apple капитализацияси 1 триллион доллардан ошган иккинчи компания бўлди. Бунгача Хитойнинг PetroChina компанияси 2007 йилда бундай кўрсаткичга эришган.
Изоҳ (0)