Бугун,

  • USD 10940.05
  • RUB 182.26
  • EUR 11121.65

2018 йил II чорак якуни юзасидан жами 103 та давлат ва хўжалик бошқаруви, маҳаллий давлат ҳокимияти органлари, жумладан, 47 та давлат бошқаруви органлари, 42 та хўжалик бошқаруви органлари ва 14 та маҳаллий давлат ҳокимияти органлари фаолиятида АКТни жорий этиш ва ривожлантиришнинг ҳолати баҳоланди. Бу ҳақда «Электрон ҳукумат» тизимини ривожлантириш маркази хабар бермоқда.

АКТни жорий этиш ва ривожлантириш юзасидан баҳоланган давлат органлари орасида «Кафолат» суғурта компанияси юқори кўрсаткичларга эришган (100 баллдан 96,85 балл). Халқ банки 95,04 балл билан рейтингда 2-ўринни эгаллаган. «Ўзбекистон рангли металл парчалари, чиқиндиларини тайёрлаш ва қайта ишлаш заводи» эса 94,20 балл билан учинчи ўринни эгаллади, якуний кўрсаткичлар бўйича ўртача ўсиш 2017 йилнинг шу даврига нисбатан 9,80 фоизни ташкил этди.

Шунингдек, рейтинг баҳолаш натижаларига мувофиқ, етакчи бешликдан Автомобиль йўллар давлат қўмитаси — 92,49 балл (ўтган йилнинг мос даврига нисбатан ўсиш 6,43 фоиз), шунингдек, «Ўзсаноатқурилишбанк» – 90,65 балл (ўтган йилнинг шу даврига нисбатан ўсиш 22,71 фоиз) ўрин олган.

Ўзбекистон фермер, деҳқон хўжаликлари ва томорқа ер эгалари кенгаши 12,53 балл кўрсатчиклари билан рейтинг натижаларида охирги ўринни эгаллаган, шу билан бирга рейтинг натижалари 2017 йилнинг II чорагига нисбатан 19,48 фоизга камайган.

2018 йил II чорак натижаларига кўра Ягона интерактив давлат хизматлари портали орқали интерактив давлат хизматларини кўрсатиш бўйича келиб тушган мурожаатларни кўриб чиқиш муддатлари тизимли равишда бузилганлиги сабабли расмий веб-сайт ва интерактив давлат хизматларини кўрсатиш бўйича кўрсаткичлари ёмонлашиши кузатилган.

Хусусан, ташкилот расмий веб-сайти ва ИДХ кўрсатиш кўрсаткичлари қонун ва бошқа меъёрий ҳужжатларга мувофиқ жорий қилинган давлат интерактив хизматлари сифат жиҳатдан ҳам ёмонлашган бўлиб, мазкур йўналишда ўртача кўрсаткич 50 дан 31,44 ташкил этди (2017 йилнинг II чорагига нисбатан камайиш 2,77 фоиз).

Тўлиқ рейтинг билан бу ерда танишиш мумкин.

Изоҳ
Асосий янгиликлар