Тошкент вилоятининг Бўстонлиқ туманида 4 август куни пичоқ билан тан жароҳати етказиш жинояти юз берди. Бу ҳақда Ўзбекистон ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Хабар беришларича, Наманган вилояти Учқўрғон туманида яшовчи З.Е. исмли аёл Чорвоқда Тошкент шаҳрининг Яккасарой туманида яшовчи таниши Н.А. билан жанжаллашиб қолган.
ИИВ ахборотида қайд этилишича, жанжал юз берган вақтда З.Е. маст бўлган. «У ўз танишига пичоқ билан жароҳат етказган», дейилади вазирлик ахборотида.
Пичоқ урган аёл қўлга олинган, жабрланувчи эса касалхонага ётқизилган.
Изоҳ (0)