Ўзбекистон Республикаси Адлия вазири Р.Давлетов «Буюк Келажак» халқаро нодавлат нотижорат ташкилоти Эксперт кенгаши ва KPMG компанияси вакиллари билан учрашди, дея хабар бермоқда Ҳукумат портали.
Унда «Буюк Келажак» халқаро нодавлат нотижорат ташкилоти Эксперт кенгаши вакиллари Б.Исмоилов, З.Азимова ҳамда KPMG компанияси вакиллари С.Чекмазова ва А.Динкевич иштирок этди.
Р.Давлетов меҳмонларга вазирлик фаолияти, қонунчилик базасини мустаҳкамлаш, ҳуқуқни қўллаш соҳасидаги ишлар, аҳолига ҳуқуқий хизмат кўрсатиш институтларини ривожлантириш борасидаги изчил ислоҳотлар тўғрисида сўзлаб берди.
Учрашувда Ўзбекистон Республикаси Глобал Ранкинг (Order and Security) «Тартиб ва хавфсизлик» тоифаси бўйича (Тhe 2017-2018 WJP Rule of Law Index) қонун устуворлиги индексида 7-ўринда экани алоҳида таъкидланди.
Мамлакатда коррупцияга қарши кураш, инсон ҳуқуқ ва эркинликларини таъминлаш, суд ҳокимиятини мустаҳкамлаш, мулкдорлар ҳуқуқларини қонуний тартибга солиш, миллий қонунчиликни барқарорлаштириш бўйича амалга оширилаётган ишларни меҳмонлар ҳам эътироф этди.
Изоҳ (0)