«My.gov.uz»нинг «Кўчмас мулк» бўлимида учта янги хизмат ишга туширилди

«My.gov.uz» порталининг «Кўчмас мулк» бўлимида учта янги хизмат ишга туширилди. Бу ҳақда портал маъмурияти «Дарё»га хабар бермоқда.

Кўчмас мулк — бу ер участкалари, ер ости участкалари ва ер билан алоқадор бўлган барча нарсалар, яъни кўчирилиши номутаносиб зарар етказмасдан иложи йўқ бўлган объектлар, шулар қаторида бинолар, иншоотлар, қурилиши тугалланмаган объектлар.

ЙИДХП «my.gov.uz» сайтига бир неча марта курсирни босиш орқали рўйхатдан ўтиш, маълумот олиш ва онлайн сўров юбориш имкониятини яратади.

ЙИДХП га қандай хизматлар қўшилди?

• Ўзганинг ер участкасидан чекланган тарзда фойдаланиш ҳуқуқи (сервитут) тўғрисидаги келишувни давлат рўйхатидан ўтказиш - хизматдан фойдаланувчининг тоифаси жисмоний ва юридик шахслар;
• Турар жойнинг майдони бўйича маълумотнома олиш — Ушбу хизмат турар жой тоифасидаги кўчмас мулк объектларига  кўрсатилади;
• Архитектура-режалаштириш топшириғини ишлаб чиқиш - АRT (I қисм) — бино ёки иншоотнинг ташқи кўринишига, қурилишнинг тахминий майдонларига, автотураргоҳлар, ҳудудга кириш ва чиқиш йўлларига, кичик меъморий шаклларнинг тузилиши, ер участкасининг кўкаламзорлаштирилиши ва ободонлаштирилишига бўлган умумий талабларни белгилайди.