“My.gov.uz” portalining “Ko‘chmas mulk” bo‘limida uchta yangi xizmat ishga tushirildi. Bu haqda portal ma’muriyati “Daryo”ga xabar bermoqda.
Ko‘chmas mulk — bu yer uchastkalari, yer osti uchastkalari va yer bilan aloqador bo‘lgan barcha narsalar, ya’ni ko‘chirilishi nomutanosib zarar yetkazmasdan iloji yo‘q bo‘lgan obyektlar, shular qatorida binolar, inshootlar, qurilishi tugallanmagan obyektlar.
YIDXP “my.gov.uz” saytiga bir necha marta kursirni bosish orqali ro‘yxatdan o‘tish, ma’lumot olish va onlayn so‘rov yuborish imkoniyatini yaratadi.
YIDXP ga qanday xizmatlar qo‘shildi?
- O‘zganing yer uchastkasidan cheklangan tarzda foydalanish huquqi (servitut) to‘g‘risidagi kelishuvni davlat ro‘yxatidan o‘tkazish - xizmatdan foydalanuvchining toifasi jismoniy va yuridik shaxslar;
- Turar joyning maydoni bo‘yicha ma’lumotnoma olish — Ushbu xizmat turar joy toifasidagi ko‘chmas mulk obyektlariga ko‘rsatiladi;
- Arxitektura-rejalashtirish topshirig‘ini ishlab chiqish - ART (I qism) — bino yoki inshootning tashqi ko‘rinishiga, qurilishning taxminiy maydonlariga, avtoturargohlar, hududga kirish va chiqish yo‘llariga, kichik me’moriy shakllarning tuzilishi, yer uchastkasining ko‘kalamzorlashtirilishi va obodonlashtirilishiga bo‘lgan umumiy talablarni belgilaydi.
Izoh (0)