Мексикадаги Шимолий Қуйи Калифорния штатининг Мехикали шаҳри ҳудудида жазирама туфайли 70 дан ортиқ киши ҳалок бўлди, деб ёзади «ТАСС».
Milenio газетаси суд-тиббий экспертиза хизматига таяниб маълум қилишича, 1 дан 31 июлгача юқори ҳаво ҳарорати туфайли 25—60 ёшдаги 73 киши вафот этган, шуларнинг олти нафарини иссиқ урган.
Суд-тиббий экспертиза хизмати вакили сўзларига кўра, қурбонларнинг кўпчилиги гиёҳвандлик туфайли юзага келган юрак-томир тизими, буйрак ёки ўпка касалликларидан азоб чеккан.
Ўтган ҳафта охирида Мексиканинг кўпчилик ҳудудларида жазирама туфайли фавқулодда вазият режими жорий қилинган эди. Бу қарор штатлар ҳукуматларига фуқароларга кўмак кўрсатиш учун махсус жамғарма маблағларини қўлга киритиш имконини берди.
Изоҳ (0)