15 августдан Афросиёб электропоезди йўл чипта нархлари 34—35 фоизга оширилади

Юқори тезликда ҳаракатланувчи Афросиёб электропоезди йўл чипта нархлари 15 август кунидан бошлаб ўзгаради. Бу ҳақда «Халқ сўзи Online» хабар бермоқда.

Унга кўра, Тошкент—Самарқанд йўналишида ҳаракат қилувчи тезюрар поезд учун VIP-классдаги ўринлар учун чипта баҳоси 151 000 сўм, бизнес-класс 105 000 сўм, эконом-класс учун эса 78 000 сўмни ташкил қилади.

Айни вақтда Самарқандга борувчи Афросиёб поездининг эконом-классдаги чипталари нархи 58 минг сўмдан таклиф этилмоқда. 15 августдан бошлаб белгиланган нархга кўра, чипта нархи 34,5 фоизга ошади. Бизнес классдаги чипталар нархи эса 78 мингни ташкил қилган. Янги нархга кўра, чипта нархи 34,6 фоизга ошади.Қолган чипталарнинг нархи ҳам ўртача 34—35 фоизга оширилгани айтилмоқда. Қуйида Афросиёб электропоезди янги йўл чипта нархлари билан танишиб олишингиз мумкин:

Тошкент — Самарқанд:

VIP-класс – 151 000 сўм (15 августгача бўлган нарх — 112 минг сўм)Бизнес-класс – 105 000 сўм (78 минг сўм)Эконом-класс – 78 000 сўм (58 минг сўм)

Тошкент — Қарши:

VIP-класс – 209 000 сўм (15 августгача бўлган нарх — 155 минг сўм)Бизнес-класс – 148 000 сўм (110 минг сўм)Эконом-класс – 108 000 сўм (80 минг сўм)

Тошкент — Бухоро:

VIP-класс – 243 000 сўм (15 августгача бўлган нарх — 195 минг сўм)Бизнес-класс – 176 000 сўм (130 минг сўм)Эконом-класс – 128 000 сўм (95 минг сўм).