Индонезия жамоатчилиги, айниқса ёшларининг Ўзбекистон ҳақидаги маълумотларини ошириш мақсадида Ўзбекистон элчихонаси томонидан Индонезия университетлари тингловчилари учун «Ўзбекистон тарихи ва бугуни. Индонезия билан ҳамкорликнинг асосий йўналишлари ва истиқболлари» мавзусида очиқ маърузалар туркуми тақдим этила бошланди, деб «Дарё»га хабар беради элчихонаси ахборот хизмати.
Бугун маърузалар туркумининг биринчи қисми мамлакатнинг энг яхши олийгоҳи (QS халқаро рейтинги бўйича) Индонезия университети тингловчиларига ҳавола этилди. Ушбу олийгоҳнинг 15 та факультетида дунёнинг 26 мамлакатидан 47000 талабала таҳсил олади.
Маъруза тингловчилари нафақат университет талабалари ва профессорлари, балки электрон ОАВ вакилларидан ҳам иборат бўлди. Тингловчиларнинг эътиборида нафақат мамлакат тарихи ва бугунги кунда иқтисодиётнинг турли жабҳаларида амалга оширилаётган ислоҳотлар шу билан бирга давлатнинг таълим тизими, олийгоҳ, коллеж ва лицей битирувчиларини иш билан таъминлаш масалалари жонли қизиқиш уйғотди.
Изоҳ (0)