Америкалик қиз тимсоҳдан қутулиб қолиш учун дарахтга чиқиб олишига тўғри келди. Бу ҳақда UPI хабар берди.
15 ёшли Жордан Бродерик ота-онаси билан Окала қўриқхонасида дам олаётган эди. Ҳодиса қиз сув ҳавзасида сайр қилиб юрган вақтда юз берган. У ўзи томон келаётган тимсоҳни пайқаган, сув устида осилиб турган шохга осилган ва дарахтга чиқиб олган. Тимсоҳ дарахтнинг тагига жойлашиб олган ва қизнинг тушишини кутган.
Жорданнинг ота-онаси нима юз бераётганини кўрган, бироқ унга ёрдам бера олмаган. Қизнинг онаси қутқарув хизматига қўнғироқ қилган.
Ярим соатдан кейин сув ҳавзасига ярим автомат милтиқ билан қуролланган шериф ёрдамчиси етиб келган ва бир ўқ билан тимсоҳни ўлдирган. Шундан кейин қиз дарахтдан тушишга муваффақ бўлган.
Изоҳ (0)